غلنۍ، مهمند ایجنسي -- په فاټا کې په لومړي ځل، د قبايلي سيمو ښځو او جينکو موقعه ولرله چې د سپورټ په فسټیول کې ګډون وکړي.
د فبرورۍ په ۱۷-۲۲ مه په مهمند ايجنسۍ کې د سپورټ، ځوانانو او کلتور فيسټيول په قبايلي ايجنسۍ کې د جينکو د سکولونو او کالجونو طالب علمانو ته توان ورکړو چې په مختلفو پروګرامونو کې برخه واخلي.
نيلم شريف، چې په ايکاغونډ کې د ګورنمنټ ګرلز ډګري کالج پرنسپله ده، پاکستان فارورډ ته وويل، "دا ډول پروګرامونه په ښوونکو او زنانه زده کوونکو باندې مثبت اغیز لري."
هغې وويل، "موږ ته يقيناََ د نصابي فعاليتونو سره د غير نصابي فعاليتونو ضرورت دی." "دا ډول فعالیتونه د قبايلي سيمو په جينکو کې باور رامنځته کوي او هغوی ته یو روښانه راتلونکی په ګوته کوي."
حنا مهمند، ۲۷ کلنه، چې په ايکاغونډ کې په ګورنمنټ ګرلز ډګري کالج کې طالب علمه ده، په دغه فيسټيول کې د دستکارۍ سټال لګولی و.
هغې پاکستان فارورډ ته وویل، "دا زما لومړۍ تجربه ده؛ دا خورا ښه ده." "ما د کور نه اجازت ترلاسه کړو، او زما پلار د دې پروګرام په لیدلو سره ډیر خوشحاله دی."
ډیر ښه
ځوابتبصرې 1