|

اقتصاد

پاکستان او ازبکستان د دوه اړخيزې سوداګرۍ او سرمايه کارۍ د زياتولو په اړه خبرې اترې کوي

چارواکي وايي چې د دوه اړخیزې همکارۍ پیاوړتیا به "د دواړو هیوادونو ریښتني اقتصادي وړتیا په ګوته کړي."

د جاويد محمود لخوا


په پاکستان کې د ازبکستان سفیر فرقت صدیقوف (ښي اړخ ته) د پاکستان د وزيراعظم شاهد خاقان عباسي سره په اسلام اباد کې په وزیر اعظم هاوس کې د دسمبر په ۷ مه ليدنه وکړه. [د پاکستان د وزیر اعظم دفتر]

په پاکستان کې د ازبکستان سفیر فرقت صدیقوف (ښي اړخ ته) د پاکستان د وزيراعظم شاهد خاقان عباسي سره په اسلام اباد کې په وزیر اعظم هاوس کې د دسمبر په ۷ مه ليدنه وکړه. [د پاکستان د وزیر اعظم دفتر]

اسلام اباد -- پاکستان او ازبکستان موافقه کړې چې د زياتې سوداګرۍ، سرمايه کارۍ او د دوه اړخيزې همکارۍ د سیمو په ګوته کولو سره دوه اړخیزو اړیکو ته پیاوړتیا ورکړي.

د وزير اعظم د دفتر د يو بيان له ه مخې، په پاکستان کې د ازبکستان سفیر فرقت صديقوف د دسمبر په ۷ مه په اسلام اباد کې د پاکستان وزيراعظم شاهد خاقان عباسی سره ليدنه وکړه.

په دغه بيان کې راغلي چې پاکستان "د ازبکستان سره نږدې او د همکارۍ اړیکو ته خورا اهميت ورکوي" او [غواړي] چې دا اړیکي پیاوړي کړي او په ځانګړي توګه په سوداګرۍ او سرمايه کارۍ تمرکز وکړي."

صديقوف د دواړو هېوادونو ترمنځ د اقتصادي همکاریو د پرمختګ په اړه عباسي ته معلومات ورکړل.

په دغه بيان کې راغلي، دواړو چارواکو موافقه وکړه چې د پاکستان او ازبکستان ترمنځ سوداګریز اړیکي باید زياتې شي چې "د دواړو هیوادونو ریښتني اقتصادي وړتیا په ګوته کړی شي."

د همکارۍ د لارو چارو څیړنه

تجارتي شنونکي او سوداګران وايي، د دواړو هیوادونو ترمنځ د اقتصادي همکارۍ د پیاوړتیا اقدام يو مثبت ګام دی چې د زيات پرمختګ لپاره امکانات لري.

ماجد عزيز بالاګمواله، چې په کراچۍ کې د پاکستان د کارمندانو د ټولنې صدر دی، پاکستان فارورډ ته وویل: "د پاکستان او ازبکستان ترمنځ د سوداګرۍ او سرمايه کارۍ پراختیا په اساسي ډول د پرايويټ سيکټر يو نوښت دی ... چې د دواړه هيوادونو حکومتونو په دې کې مرسته کړې ده."

هغه وويل: "پاکستان او ازبکستان کولی شي چې په هغو سکټورونو کې، کوم چې د لوړې ودې امکان لري، د دوه اړخیزو همکاريو څخه د ګټه پورته کولو له لارې سوداګرۍ او سرمايه کارۍ ته وده ورکړي."

د مثال په توګه، پاکستان ازبکستان ته خوراک، کپړې، دوايانې، د جراحۍ او د سپورټ سامان برآمد کولی شي، په داسې حال کې چې پاکستان د ازبکستان نه معدنيات درآمد کولی شي.

بالاګمواله وويل: "زموږ جوړونکو له پکار ده چې په دې برخو کې په ازبکستان کې خپل يونټونه جوړ کړي چې د وسطي ايشيا په هيوادونو او د هغوی په نږدې ګاونډي هيوادونو کې په بازارونه قبضه وکړي."

دا کار به "د صادراتو بنسټ پراخه کړي."

هغه وويل، دواړه هېوادونه کولی شي چې د مختلفو صنعتي توکو د جوړولو لپاره ګډې پانګونې ته وده ورکړي. دا ډول محصولات د ازبکستان ګاونډي هيوادونو ته صادر کیدی شي، او يا پاکستان کولی شي چې دغه محصولات بېرته واخلي.

هغه وويل: "د دواړو هيوادونو ترمنځ د دوه اړخيزه کلنيز تجارت حجم د ۴۰ ميليونه ډالره نه کم دی، خو د ودې لپاره د پام وړ امکانات شته."

بالاګمواله وویل، په ازبکستان کې د سوداګرۍ لګښت د پاکستان په پرتله ډير کم دی ځکه چې هلته کې د مالیې شرح او د بجلۍ او ګيس قميتونه نسبتاََ کم دي.

هغه وویل چې جغرافيايي ګټې هم شتون لري. ازبکستان د پنځو وچ غاړې هېوادونو -- قرغزستان، قازاقستان، ترکمانستان، تاجکستان او افغانستان -- سره ګډه پوله لري او له دې امله دا وسطي ايشيا، يورپي او روسي بازارونو ته لاس رسي ترلاسه کولی شي.

د اقتصادي ودې لپاره نوي فرصتونه

پاکستاني سوداګران، په ځانګړي توګه ښځینه سوداګران، په خصوصي توګه د ازبکستان لخوا د سوداګرۍ او سرمايه کارۍ په فرصتونو کې دلچسپي لري.

مهرين الهي، چې په کراچۍ کې د سوداګرۍ او صنایعو د خونې مشره ده، پاکستان فارورډ ته وویل: "موږ پلان لرو چې د ښځینه سوداګرانو پلاوي ازبکستان او د وسطي ايشيا نورو هیوادونو ته وليږو چې د قیمتي تولیداتو لپاره بازارونه په ګوته کړي."

هغې وويل، د چيمبر يو شمير غړي، چې د څرمنې، دستکارۍ او زيوراتو توليدات جوړوي، دلچسپي لري چې په ۲۰۱۸ کال کې ازبکستان او د وسطي ايشيا نورو هېوادونو ته د سوداګرۍ او صنایعو د خونې سوداګريز پلاوي سره يوځای شي.

هغې وويل، ښځينه سوداګران، چې د کپړې د صنعت سره تعلق لري، به د پلاوي سره لاړ شي چې په وسطي ايشيا کې د سوداګرۍ امکانات په ګوته کړي.

مهرین الهي، چې په تير وخت کې يې په مختلفو هيوادونو کې په نړيوال سوداګريز نمايشونو کې د ښځينه سوداګرانو په ګډون کولو کې مرسته کړې ده، وويل، وسطي ايشيا د پاکستان د قيمتي توليداتو د صادراتو لپاره د يو بازار په توګه خورا امکانات لري.

هغې وويل: "په راتلونکو څو مياشتو کې به ازبکستان او د سيمې نورو هېوادونو ته د ښځو د سوداګرۍ پلاوي د تلو لپاره انتظامات مکمل شي."

آیا دا لیکنه ستاسو خوښه شوه؟

Pf icons no 0

0 تبصرې

* ضروري برخې ښيي
Captcha

د رایو شمېر

- آیا تاسو باور لرئ چې د کارتارپور کوريډور پرانيستل به د پاکستان او هند اړیکو ته وده ورکړي؟

نتایج وګورئ