2017-12-05 | امنیت

د پاکستان او سعودي عرب پوځي مشقونه د تروریزم په وړاندې پیاوړی اتحاد په ګوته کوي

د اشفاق يوسفزۍ لخوا

د ځانګړي ځواکونو مشقونه به په ریاض کې د دوو هفتو لپاره د ۲۵ نومبر نه تر ۱۰ دسمبر پورې ترسره شي.


د پاکستان او سعودي عرب عسکر د دسمبر په ۳ مه په يو خپور شوې انځور کې د رياض په شهزاده نايف امنيتي ښار کې په ګډ الشباب ۲ مشقونو کې برخه اخلي. [آی ايس پي آی]
د پاکستان او سعودي عرب عسکر د دسمبر په ۳ مه په يو خپور شوې انځور کې د رياض په شهزاده نايف امنيتي ښار کې په ګډ الشباب ۲ مشقونو کې برخه اخلي. [آی ايس پي آی]
د پاکستان او سعودي عرب عسکر د دسمبر په ۳ مه په يو خپور شوې انځور کې د رياض په شهزاده نايف امنيتي ښار کې په ګډ الشباب ۲ مشقونو کې برخه اخلي. [آی ايس پي آی]

د ځانګړي ځواکونو مشقونه به په ریاض کې د دوو هفتو لپاره د ۲۵ نومبر نه تر ۱۰ دسمبر پورې ترسره شي.

راولپنډۍ -- د پاکستان د پوځ د عامه اړيکو دفتر د یکشنبې په ورځ (د دسمبر په ۳ مه) اعلان وکړو چې د پاکستان ځانګړي ځواکونه په رياض کې د سعودي ځواکونو سره د ترهګرۍ ضد ګډ عملیات ترسره کوي.

د آی ايس پي آر له مخې، د دوو هفتو اوږد الشباب ۲ مشقونه د سعودي عرب په دارالخلافه کې په شهزاده نايف امنيتي ښار کې د نومبر په ۲۵ مه پیل شول او د ۱۰ دسمبر پورې به جاري وي. لومړی مشق، الشباب-۱، تير کال په پاکستان کې ترسره شوی و.

یوه دسته، چې د سپيشل سروسز ګروپ، د پاکستان ځانګړي ځواکونه، په ۶۸ افسرانو او عسکرو باندې مشتمله ده، په دې مشقونو کې برخه اخلي.

آی ايس پي آر وويل، دا مشق به د دواړو لوريو ځواکونو سره مرسته وکړي چې د تروریزم سره په مبارزه کې د يو بل د تجربو نه زده کړه وکړي او دوه اړخیزه همکاري پیاوړي کړي.

د ترهګرۍ پر وړاندې پياوړی اتحاد

محمود شاه، چې په پیښور کې د فاټا پخوانی امنیتي سيکريټری دی، پاکستان فارورډ ته وویل، دا ګډ مشقونه "ترهګرو ته يو روښانه پيغام ورکوي چې دواړه هېوادونه د افراطیت د مرتکبینو په وړاندې متحد دي."

هغه وويل: "دواړه هېوادونه د تاوتريخوالي سره مخامخ دي او دې ته اړتيا لري چې د خپلو خلکو لپاره سوله ايز چاپېريال رامنځته کړي." هغه زياته کړه، چې دواړه هېوادونه د ترهګرۍ پر وړاندې د ګډ کار کولو تاريخ لري.

هغه وويل، پاکستاني ځواکونه د سعودي پوځ سره د لسيزو راهيسې کار کوي او دواړو هيوادونو د يو بل د تجربو نه ګټه پورته کړې ده.

شاه وويل: "پکار ده چې د دوو اسلامي هېوادونو تر منځ دا پوځي اړيکې نورې هم پياوړې شي، ځکه چې دواړه هيوادونه د ترهګرو اهداف دي."

عبد الرحمان، چې په پیښور يونيورسټۍ کې د پاکستان د مطالعاتو ليکچرر دی، وویل، دواړو هیوادونو د باثباته باور او اعتماد پر بنسټ د ښه اړیکو نه خوند اخيستې دی. دوی دواړه د دتروريزم پر ضد د ۴۱- هیوادونو اسلامي اتحاد سره تعلق لري..

هغه پاکستان فارورډ ته وویل: "د ترهګرۍ څپې پاکستان او سعودی عرب په ورته ډول په نښه کړل، او دا د دوی په ګټه وه چې د ګډ دښمنانو د ماتې لپاره یو ګډ بلاک جوړ کړي."

هغه وويل، دا ډول همکاري طالبان او نور وسله وال ويروي. هغه زياته کړه، دواړه پياوړي هيوادونه دي او د هغوی ګډې هڅې کولای شي چې په خپلو سيمو کې د اورپکۍ مخه ونيسي.

رحمان وويل: "د پاکستان خلک د خپلو سعودي وروڼو قدر کوي او فخر کوي چې هلته کې [په سعودي عرب کې] مقدس ځايونه خوندي وساتي."

افراطیت ختمول

محمد رفیق، چې په پيښور يونيورسټۍ کې په پي ايچ ډي کې د افراطيت مطالعه کوي، وويل، افراطیت په ټوله اسلامي نړۍ کې خپريږي او د وسله والو د پلانونو د مخنیوي لپاره ګډې هڅې ته اړتیا لري.

هغه پاکستان فارورډ ته وویل، "سعودي عرب کولای شي چې د پاکستان د پوځ د تجربې نه ګټه پورته کړي ځکه چې هغوی د يوې عشرې نه د زياتې مودې راهيسې د تروریزم سره مبارزه کوي." "دغه پوځ د هغه تاکتيکونو په اړه پوهیږي کوم چې وسله وال کاروي او د سعودیانو سره د هغو کسانو سره په جګړه کې مرسته کولی شي کوم چې غواړي چې تاوتریخوالی رامنځته کړي."

هغه وويل، پاکستان او سعودي عرب دواړه تروريزم د اسلام خلاف ګڼي. هغه زياته کړه، د سولې د ايډیالوژيو پر بنسټ، دوی کولی شي چې ترهګري له منځه يوسي.

هغه زياته کړه، پکار ده چې يو ستر کمپاين ترسره شي چې د ترهګرۍ مخه ونيسي او خلک د تروريستي تاوتريخوالي نه بچ کړي.

هغه وويل، "داسې ښکاري چې خلک د تروریزم په وړاندې په يو پليټ فارم باندې راټوليږي او ډیر ژر به اورپکي په بشپړه توګه ختم شي."

آیا دا لیکنه ستاسو خوښه شوه؟

Pf icons no 1

تبصره

* ضروري برخې ښيي
Captcha

د رایو شمېر

د پاکستان او افغانستان د پولې په اوږدو کې باړ لګول به په راتلونکي کې د وسله والو د تګ راتګ په کنټرولولو کې څومره اغیزمن وي؟

نتایج وګورئ