|

ټاکني

د تيلو پخوانی وزير عباسي د پاکستان لنډ مهاله وزير اعظم وټاکل شو

د پټرولیم پخوانی وزیر شاهد خاقان عباسي به د ميا محمد نواز شريف په ځای د لنډ مهاله وزير اعظم په توګه کار کوي.

سلام ټايمز


شاهد خاقان عباسي، چې د پاکستان د پټرولیم او طبیعی زیرمو پخوانې وزیر دۍ، د اګست په لومړۍ نيټه په اسلام آباد کې پارلمنټ هاوس ته راځي چې د لنډ مهاله وزیر اعظم لپاره په انتخاباتو کې ووټ واچوي. عباسي د ۳۴۲ غړو په قومي اسمبلۍ کې ۲۲۱ ووټونه وګټل. [عامر قريشي / ای ايف پي]

شاهد خاقان عباسي، چې د پاکستان د پټرولیم او طبیعی زیرمو پخوانې وزیر دۍ، د اګست په لومړۍ نيټه په اسلام آباد کې پارلمنټ هاوس ته راځي چې د لنډ مهاله وزیر اعظم لپاره په انتخاباتو کې ووټ واچوي. عباسي د ۳۴۲ غړو په قومي اسمبلۍ کې ۲۲۱ ووټونه وګټل. [عامر قريشي / ای ايف پي]

اسلام آباد -- د پاکستان پارلیمنټ د تیلو پخواني وزیر شاهد خاقان عباسي د سه شنبې په ورځ ( د اګست په لومړۍ نيټه) د لنډ مهاله وزيراعظم په توګه درې ورځې وروسته له هغې منتخب کړو کله چې ميا محمد نواز شریف د سپريم کورټ لخوا نا اهل وګرځول شو.

سپيکر سردار اياز صادق اعلان وکړو، عباسي، چې د پاکستان مسلم لیګ نواز ګوند وټاکلو، د ۳۴۲ غړو په قومي اسمبلۍ کې ۲۲۱ ووټونه وګټل.

د پاکستان د آيين له مخې، د وزير اعظم د عهدې لپاره يو اميدوار ته په قومي اسمبلۍ، د پارلیمنټ ايوان زيرين، کې اکثريت ترلاسه کول ضروري وي.

کله چې هغه د سه شنبې په ورځ حلف واخلي، نو تمه کيږي چې عباسي به د نواز شریف د کشر ورور شهباز شریف لپاره د ځای ساتلو په توګه د هیواد د ستر دفتر خدمت وکړي. شهباز شريف د دې هفتې په پای کې د هغه د جانشین په توګه وټاکل شو.

شهباز شريف، چې د پنجاب صوبې وزیر اعلی دی، له پکار ده چې د پارلیمنټ د غړي جوړیدو لپاره لومړی هغه سیټ وګټي کوم چې د هغه مشر ورور خالي پاتې کړی دی.

عباسي، چې یو سوداګر او اليکټريکل انجنیر دی، د ۲۰۱۳ کال راهیسې د پټرولیم او طبیعي زیرمو وزیر پاتې شوی دی او د راولپنډی ډسټرکټ نه شپږ ځله د قومي اسبملۍ لپاره ټاکل شوی دی.

آیا دا لیکنه ستاسو خوښه شوه؟

Pf icons no 13

تبصره 💬

* ضروري برخې ښيي
Captcha

7 تبصرې 💬

💬

Mushahidullahkhan | 09-22-2017

ښه ګام


💬

ALI AWAN | 09-21-2017

سمه پریکړه


💬

Muhammad Faisal | 09-12-2017

ډیر ښه


💬

Imran butt | 09-10-2017

ډیر ښه


💬

Imtiaz Ali | 09-09-2017

پاکستان د ادب له لارې د تروريزم سره مبارزه کوي. د پاکستان کيبنټ د خيبر پښتونخوا سره د فاټا د يو ځای کيدو منظوري ورکوي.


💬

yasir Ramzan | 08-31-2017

د زما خوښ دی .... ځکه ما د دې انتخاب وکړو...


💬

anees mahboob | 08-18-2017

ښه ګام


د رایو شمېر

آیا تاسو د هند سره د سولې په لور د نوي حکومت د هڅو ملاتړ کوئ؟

نتایج وګورئ