په پاکستان کې د 'انتقامي زنا' په کيس کې کسان ونیول شول

ملتان -- پاکستاني پولیسو د پنجشنبې په ورځ (د جولای په ۲۷ مه) څلور تنه هغه کسان ونیول کوم چې د یوې ځوانې جينۍ په جبري زنا کې لاس لرلو. هغی ته دا سزا د هغې د ورور د جرم د سزا په توګه ورکړل شوه.

د پولیسو سرچینې تائید وکړو چې د حاليه نيول شوي کسانو، چې په هغوی کې هغه کسان شامل دي کومو چې قصداً د "انتقامي زنا" امر کړې وو، شمير ۱۸ دی.

د پنجاب صوبې په ملتان کې يوې جرګې په قصدي توګه د ۱۶ کالو د جينۍ سره د جبري زنا کولو امر وروسته له هغی ورکړو کله چې د هغې ورور د ۱۲ کالو جينۍ سره زنا وکړه.

د محمد بلال، ۲۵ کلن، د کورنۍ غړو ای ايف پي ته وویل، کله چې دوی د لومړۍ زنا په اړه واوريدل -- چې په تيره شوې هفته کې ترسره شوی وه -- نو هغوی د ۱۲ کالو جينۍ کورته د بخښنې لپاره لاړل.

هغه وويل: "د هغوى مېرمنو چيغې وهل پيل کړل، او د هغوى سړو زموږ نه غوښتنه وکړه چې لومړی دې د عمر خور [۱۶ کلنه جينۍ] راولي، نو بيا به هغوی د دې په اړه خبرې وکړي."

هغه وويل: "خو کله چې موږ د جينۍ سره راستانه شو، نو نارينه او شورا پرېکړه وکړه چې ورته عمل به د جينۍ سره وشي." "موږ څه کولی شو؟ زموږ په کلي کې شخړې په داسې توګه حل کيږي."

دواړه جينکۍ اوس په دارلامان کې پاتې کيږي او دوی به د پنجاب وزير اعلی شهباز شریف، د وزيراعظم ورور، سره د پنجشنبې په ورځ کتنه کوي.

د پاکستان سپريم کورټ هم د تحقیقاتو امر ورکړی دی.

جرګې، د کلي شوراګاني چې په محلي مشرانو مشتمل وي، د پاکستان په کلیوالو سیمو کې د شخړو حل کولو لپاره روايتي وسیلې دی، چیرې چې عدالتونو او وکيلانو ته هميشه لاسرسی ممکنه نه وي او یا په هغوی باندې خلک باور نه لري.

داسې شوراګانې غیرقانوني دي او د متنازعه پریکړو، په ځانګړې توګه د ښځو په اړه، له کبله د دې کلکه غندنه شوې ده.

سيد محمد آمين، ۴۵ کلن، د جرګې غړی، چې اوس د پولیسو په توقیف کې دی، وويل، "مونږ چې څه وکړل غلط وو، خو داسې دلته کيږي." "موږ بخښنه غواړو، او موږ ژمن یو چې بیا به داسې نه کوو."