http://pakistan.asia-news.com/ps/articles/cnmi_pf/features/2017/07/19/feature-01
| ټولنه

د اوړو جرنده په پاکستان کې ښه پاتې شوې ده

د عديل سعيد لخوا

د اوبو مل په پېښور کې د ورسک روډ په نهر باندې موجود دی. حضرت علی، چې دغه مل چلوي، وايي چې د هغه کورنۍ له دې سوداګرۍ سره د ۱۰۰ کلونو راهیسې تړاو لري. [عديل سعید]

د غنمو ډکې بوجۍ د اوبو د مل نه بهر موجود دي. [عديل سعید]

د څرخ په شان د اوړو کولو يو کاڼی (چې لاندې يو بل کاڼی لري) په ورسک روډ باندې د اوبو په جرنده کې ښودل شوی دی. د اوبو په جرنده کې لوی څرخ، چې د اوبو په ذريعه چليږي، نور کاڼې تاوهي چې غنم، جوار او نوره غله اوړه کړي. [عديل سعید]

یو کاريګر په پل کې غنم د اوړو کولو لپاره اچوي. دغه پل د څرخ په شان يو کاڼی دی چې په يوه حلقه کې تاويږي. [عديل سعید]

حضرت علی، د اوبو د جرندې چلونکی، غنم چاڼوي چې خچکي ترې جدا کړي او خالص سوچه غنم پاتې کړي. [عديل سعید]

د علی زوی کاشف د خپل پلار سره د اوړو په صفا کولو کې مرسته کوي. [عديل سعید]

حضرت علی د اوړه يوه ډکه بوجۍ په تله کې ږدي. [عادل سعید]

پیښور -- د اوبو مل، چې په سیمه کې د "جرندې" په نوم پیژندل کيږي، د غنمو، جوارو، ږدنو او نورو دانو اوړو کولو لپاره یوه پخوانۍ طریقه کاروي.

په ملونو کې د عصری ټکنالوجۍ معارفي کولو سربیره دا جرندې د پیړیو راهیسې شتون لري او اوس هم په خیبر پختونخواه او د پاکستان نورو برخو کې کارول کیږي.

حضرت علی، ۵۰ کلن، چې په پېښور کې په ورسک روډ باندې جرنده چلوي، وويل، هغه خلک کوم چې د جرندې د اوړو د کيفيت په باره کې پوهیږي، په عصري ملونو کې د اوړه شوي اړو په پرتله د جرندې اوړه خوښوي.

د جولای په ۶ مه د غنم د اوړو کولو لپاره د اوبو په ذريعه چليدونکی مل په پل کې اچولی شي. دغه پل د څرخ په شان يو کاڼی دی. [عديل سعید]

هغه پاکستان فارورډ ته وویل، "هم دا وجه ده چې جرنده ژوندۍ پاتې شوې ده، ګنې دا به د ټکنالوجۍ د ګوزار له امله ختم شوي وه."

د علی کورنۍ د یوې پیړۍ راهیسې په روايتي طريقه اوړو اوړه کوي. هغه ته د خپل پلار کاروبار په وراثت کې ملاو شو.

جرنده د هغه اوبو په ذريعه چليږي کوم چې د نهر یا سيند نه جدا کړی شوي وي. د اوبو بهیر د ټرباين بليډونه تاوهي. دا يو ايکسل تاوهي کوم چې د اوړو کولو کاڼې (پل) چلوي.

د اوبو لاره يو څو دروازې کنټرول کوي چې د دې ساتنه کوي او د پل تيزوالی کنټرول کوي.

علي وايي، د غنمو او نورو دانو اوړو کولو تاریخي طريقه د سیمې د بډای فرهنګي تاریخ نښه ده.

که څه هم د دې میکانیزم د پیړیو راهیسې بدل شوی نه دی، خو ځینې شیان بدل شوي دي.

علی وويل، د اوبو ټول ملونه د خيبر پښتونخوا د اوبو خور ادارې ملکیت دی، چې هغوی هر کال دا بریالي ټهيکه دارانو ته په اجاره ورکوي.

هغه وويل: "کله چې ما دا کار پيل کړو، زموږ د اوبو د مل کلنۍ اجاره ۱۲،۰۰۰ روپۍ ( ۱۲۰ امريکايي ډالره) وه." "سږکال ما دا اجاره په ۱۵۰،۰۰۰ روپۍ ( ۱،۵۰۰ امريکايي ډالره) ترلاسه کړه."

آیا دا لیکنه ستاسو خوښه شوه؟
0
نه
تبصرې 0
د تبصرو تګلاره
Captcha