پېښور -- د خیبر پښتونخوا د سياحت ډیپارټمنټ په پېښور کې د یو درې ورځني اوږد هنر مېلې انتظام وکړو چې د ځايي هنرمندانو او صنعت کارانو کار په ګوته کړي.
د منتطيمينو په وینا، د دې پروګرام، چې په ۷-۹ مۍ مه په پي آی ای پلينيټريم کې ترسره شو، اصلي موخه دا وه چې د هنرمندانو مهارتونه په ګوته کړي او ځايي نارينه، ښځو او کورنیو ته تفريح برابر کړي.
د پېښور اوسيدونکو او د خیبر پښتونخوا د ټولو برخو نه کسانو په دې پروګرام کې ګډون وکړو او د روايتي سندرو او ګډه، ځايي خوراک، او د لاسي صنايعو، کشيده کارۍ، د فلز کارۍ، سنګ تراشۍ، د چوبتراشۍ، خطاطۍ، د خاورين لوښو او نورو توکو د نمايش نه یې خوند واخیستو.
ځوانانو هم د مخ په پينټنګ او کويز، سندرو او د پخلي په مقابلو کې برخه واخيسته. دوی د جادو ګرۍ، سرکس او د ګوډاګي د شوګانو نه خوند واخيستو.