کویټه -- چارواکي وايي، د ترهګرۍ ضد او استخباراتي پرله پسې عملیاتو په بلوچستان کې د وسله والو د نيټ ورکونو عملیاتي ظرفیت په پراخه توګه له منځه وړی دی.
د کور او د قبايلو چارو صوبايي وزير سرفراز بګټي پاکستان فارورډ ته وويل: "وسله وال ډلي د اوږدې مودې راهیسې کوشش کوي چې په بلوچستان کې ناکراري او بې ثباتي رامنځته کړي."
هغه وويل: "فدرالي او صوبايي حکومتونه خپل کوششونه کوي چې په صوبه کې سوله او ثبات يقيني کړي، او امنیتي ځواکونو د صوبې په ټولو ناامنو سيمو کې د وسله وال ډلو اصلي پټنځايونه تباه کړي دي."
هغه وويل: "د امنیتي ځواکونو په روان عملیاتو کې، زياتره لوړ پوړي کمانډران، هدفي قاتلان او د چاوديدونکو توکو کارپوهان نیول شوي او یا وژل شوي دي." "د سولې په ضد عناصر اوس په بهرني مرستو باندې تکيه کوي، او زموږ ځواکونه خپل پوره کوشش کوي چې د هغوی د ملاتړ شبکې له منځه ويسي."
هغه وويل: "رياست ټول ممکنه ګامونه پورته کوي چې د قانون پلي کوونکو ادارو تر منځ د معلوماتو شريکولو لپاره او د ټولو وسله والو چې په ترهګرۍ کې لاس لري نيولو لپاره يو اغیزمن ميکانيزم جوړ کړي."
په تيره هفته کې ۸۱ وسله وال ونيول شول
په بلوچستان کې د پوځ د عامه اړيکو دفتر وياند بريګيډير ندیم احمد وويل چې فرنټير کور بلوچستان په ټوله صوبه کې په پراخه کچه د ترهګرۍ ضد استخباراتي عملیات ترسره کوي.
هغه پاکستان فارورډ ته وويل: "په تیرو ورځو کې، ۸۱ وسله وال نيول شوي دي او د وسله والو پټنځايونو نه د وسلو او ګوله بارودو ستره زيرمه ترلاسه کړی شوې ده."
هغه وويل: فرنټير کور په صوبه کې په هغه ۳۲ سیمو کې چې وسله وال په کې فعالیت کوي د استخباراتو پر اساس عملیات ترسره کړل. په دغه سيمو کې کویټه، سبي، دالبندين او هغه نږدې سيمې شاملې دي، "کوم ځای چې يو شمير وسله وال د منع شوی بلوچستان جمهوري پوځ او د بلوچستان د ازادۍ پوځ سره تعلق لري."
په بلوچستان کې د پوځ د عامه اړيکو دفتر وياند له مخې، د ايف سي بلوچستان انسپکټر جنرل نديم احمد انجم په خپله په صوبه کې د ترهګرۍ ضد عملياتو مشري کوي.
احمد وويل: "د فرنټير کور ځواکونه به په بلوچستان کې د تل پاتې سولې لپاره خپل کوششونو ته دوام ورکړي."
افراطیت د ترقۍ په لاره کې يو خنډ دی
د تعليم صوبايي وزير عبدل رحيم زيارتوال وویل، د بلوچستان په ترقۍ کې د ترهګرۍ ګواښ تر ټولو ستر خنډ دی.
هغه پاکستان فارورډ ته وويل: "د بغاوت ضد عملياتو له کبله د يو ستر ګوزار ترلاسه کولو نه وروسته، اوس وسله والو د رياست په ضد پروپيګنډه خپرول پيل کړي ده." هغه زياته کړه چې وسله وال په قانون پلي کوونکو ادارو باندې د بشري حقونو د سرغړونو تور لګوي او ادعا کوي چې امنیتي ادارې د بې ګناه خلکو په وژلو کې ښکيل دي."
هغه وويل: "د بلوچستان حکومت د اورپکۍ مسلې حل کولو په هکله خپله پاليسي بدله کړي ده او [...] اوس په بنسټیزه کچه د اورپکۍ سره په [مبارزه] باندې تمرکز کوي."
هغه وويل: "هغه وسله والې ډلې چې په بلوچستان کې فعاليت کوي، په ایډیالوژیو کې اختلافات لري، خو د خپلو مقاصدو ترلاسه کولو لپاره د هغوی د تاوتريخوالي موخه يو شان ده." "له همدې امله، حکومت ګامونه پورته کوي چې په خلکو کې د وسله والو د نفوذ مخه ونیسي."
هغه وويل، "د افراطيانو د فلسفې سره مبارزه د عمل ملي پلان تر ټولو مهم ترجيح ده، او [د دې مقصد لپاره] پورته شوي ګامونه مثبت نتايج رامنځته کړي دي." هغه د جنوري د ۲۰۱۵ راهيسې د تروریزم ضد ستراتیژۍ ته په اشاره کولو وويل، "افراطیت د رياست لپاره يو موجود ګواښ دی."
د مشروعيت او د غړو لپاره سیالي
په کویټه کې يو سينير استخباراتي چارواکي، محمد اسحاق وويل، "موږ راپورونه لرو چې څو وسله وال ډلو چې په بلوچستان کې فعاليت کوي د تحریک طالبان پاکستان سره د وفادارۍ اعلان کړی دی او کوشش کوي چې په دغه صوبه کې خپل نفوذ زیات کړي."
هغه ځايي او نړيوال پلويانو چې د وسله والو سره مالي او لوژستیکي ملاتړ کوي ته په اشارې کولو سره پاکستان فارورډ ته وويل، "وسله والې ډلې چې د پاکستان او افغانستان د پولې په اوږدو کې فعاليت کوي د بهرتۍ لپاره سیالي کوي، او هغوی زياتره په هغه عناصرو تکيه کوي کوم چې د هغوی د نيابتي جګړې ملاتړ کوي."
هغه وويل: "پاکستان په ښه توګه د پولې کنټرولولو د ميکانيزم لپاره جامع ګامونه پورته کړي دي چې د پاکستان او افغانستان په ناامنه پولې باندې د ناقانونه تګ راتګ مخنيوی وکړي او امنيتي حالت په ښه توګه کنټرول کړي."
اسحاق وويل: "استخباراتي ادارې په بلوچستان کې د کرکې د ادب او افراطي [ایډیالوژۍ] د زیاتوالي څارنه کوي، دا د وسله والو لپاره په عامو خلکو کې خپل نفوذ جوړولو لپاره يوه ستره سرچينه ده."
هغه وويل: "د عمل ملي پلان ۲۰ پواينټونو پلي کولو سره، موږ د ترهګرۍ په وړاندې مبارزه کې لويه کاميابي ترلاسه کړې ده، خو د وسله وال ډلو د ملاتړ نيټ ورکونه تباه کول اوس هم يو ستر چيلنج دی."
دا د پاکستان جګړه نه ده
په کویټه کې د امنیتي چارو يو تجزيه کار محمد نديم وويل: "د وسله وال ډلو سره د پیسو د ملاتړ د مخنيوي نه بغير به په بلوچستان کې د تل پاتې سولې موخه ترسره نه شي."
هغه پاکستان فارورډ ته وويل چې فدرالي تحقیقاتي ادارې او نور استخباراتي ادارې باید د پیسو د سرچينو چې د بهرني هیوادونو نه راځي څارنه وکړي. کيدی شي چې دغه سرچينې د وسله والو ډلو سره د پيسو مرسته کوي.
هغه وويل: "د تروريزم پر ضد جګړه چې نن ورځ ورسره موږ مخامخ يو د پاکستان جګړه نه ده." "په دې جګړه کې مونږ د رژیم بدلولو د تکتيکونو له لارې په قصدي ډول اخته کړی شو."
هغه وويل: "وسله والو د اوږدې مودې لپاره عام خلک د سولې ضد فعالیتونو لپاره د پوښښ په طور استعمالوي؛ له دې امله، دا ضروري ده چې په اغیزمنه توګه د افراطیت او تروریزم سره مبارزې لپاره د خلکو ملاتړ تر لاسه کړی شي."
هغه وويل، د پولو ډير امنیت ضرورې دی. هغه زياته کړه، "تحقيقاتي ادارې باید په اغیزمنه توګه فارنسک وسايل استعمال کړي چې د تروریستي بریدونو عاملین معلوم کړي او [...] د جرم د ځای معاينه وکري."
ندیم وويل: "هغه وسله والې ډلې چې په بلوچستان کې عملیات ترسره کوي، کوشش کوي چې د خپلو ډيمانډونو پوره کولو لپاره په رياست باندې پريشر واچوي."
هغه وويل: "صوبايي حکومت بايد په صوبه کې د تروریزم او بنسټ پالنې پر وړاندې جګړه کې د ښه نتايجو رامنځته کولو لپاره ټول سیاسي پارټۍ او قبايلي مشران په اعتماد کې واخلي."
که چيري دا ډول عملیات جاري وساتلې شي، نو زموږ بلوچستان به ښه شي. موږ له تاسو سره يو. تل دې وي پاکستان.
ځوابتبصرې 3
د امنيتي ادارو کارکردګي ډیره ښه ده، خو بايد د دې هم مشاهده او کتنه وکړی شي چې د ایران او هند ټلوالي د افغانستان له لارې زما په هیواد کې د ترهګرۍ وبا خپروي. لکه څنګه چې د شيعه ګانو ایډیالوژي د سنيانو په جامه کې ځان ظاهروي او د تحریک طالبان پاکستان، لشکر جنګوي،جې سيند قومي محاذ، د بلوچستان د ازادۍ پوځ، سميت، متحده قومي مومنټ، مجلس وحدت مسلمین، انصارل حسین او ايس ايم پي سره مرسته کوي. په نتيجه کې، د تروریزم زيلي قوي شوې. يو څو سياسي پارټۍ او جاګيردارانه نظام هم د هغوی ملاتړ کوي، خو هيڅوک جوګه شوي نه دي چې هغه کاميابي ترلاسه کړي کومه چې د استخباراتي ادارو او د پاکستان د پوځ زړور کسانو د قربانۍ له لارې او زړورتيا سره ترلاسه کړي ده. موږ د پاکستان د ځواکونو سره مرسته کوو، موږ د پاکستان ځواکونو ته سلامي وړاندې کوو او موږ صرف د پاکستان د پوځ سره مينه لرو. تل دې وي پاکستان. تل دې وې مظبوط د پاکستان پوځ.
ځوابتبصرې 3
Ma Shah Allah dara khawand war
ځوابتبصرې 3