سېند د محاکمو د ساتنې لپاره رينجر کاروي

کراچۍ - د بلوچستان په کوټه کې په يو ملکي روغتون کې د اګست په اتمه نيټه د يوه ځانمرګي بريد وروسته د سیند د عالي محکمې، د ښار محکمې او ځانګړو محکمو ته د قانوني ټولنې ساتنې لپاره د سېند رينجر استولی شوي دي.

يوه ځانمرګي بريد کونکي د بلوچستان په مرکز کې پر قانوني ټولنې بريد وکړ کله چې هغه په دې روغتون کې ځان والوزاوه او لږ تر لږه ۷۰ تنه یې ووژل. د تحریک طالبان پاکستان (TTP) دواړو اورپکو ډلو جماعت احرار او "د عراق او شام اسلامي دولت" (داعش) د دې بريد مسئولیت په غاړه واخيست.

وژلی شوي کسان تقريبًا ټول مدافع وکیلان وو چې په دوی کې یو شمیر ژورنالیستان هم شامل وو. دوی په دغه ورځ د بلوچستان د وکیلانو د ټولنې د ولسمشر بلال انور کاسي د وژنې وروسته په روغتون کې راټول شوي وو. څارنوالان د هغه پر مرګ د ماتم کولو لپاره راټول شوي وو.

وکيلان په ټول هېواد کې د اګست په نهمه نيټه د محکمې د بهير بایکاټ وکړ او د خپلې ټولنې په وړاندې د تروریزم پر ضد احتجاجې مظاهره وکړه.

په دغه ورځ د سیند د رينجرو عمومي رییس تورن جنرال بلال اکبر په سیند عالي محکمې کې د وکيلانو سره ليدنه وکړه او د هغوی د امنيتي اندېښنو په اړه یې خبرې اترې وکړې.

د پاکستان د مدافع وکیلانو شورا، د سېند د مدافع وکیلانو شورا، د سېند د عالي محکمې د مدافع وکیلانو ټولنې او نورو حقوقي بنسټونو له استازو سره له کتنې وروسته بلال د اګست په يولسمه نيټه پرېکړه وکړه چې رينجر به دوی ته واستول شې.

د محکمو لپاره امنیتي پلان

د پاکستان د مدافع وکیلانو شورا رئيس مرستيال فاروغ نسيم خبريالانو ته وويل، په يو ساعت اوږد غونډه کې بلال وويل چې د قانون پلي کوونکو ادارو په دې وروستيو کې په ولايت کې د تروریزم ۳۴ پېښو مخنیوی کړی دی.

هغه پاکستان فارورډ ته وويل: " هغه د کوټې د پېښې لږ وروسته د سېند په ولايت کې د محکمې او د مدافع وکيلانو د امنيت لپاره د رينجرو سره اړيکې ونيولې." " رینجرو هم د قانوني ټولنې د غړو راجستريشن له ګرځنده تليفون غوښتنلیک له لارې پیل کړ."

نسيم وويل، د مدافع وکیلانو او د محکمې د ساتنې لپاره په ملي کچه د امنيتي پلان جوړولو په اړه به هغه له رينجرو عمومي رئيسانو او د پنجاب، خیبر پښتونخوا، بلوچستان، کشمیر او ګلګت بلتستان امنيتي مشرانو سره غونډې کوي.

هغه پاکستان فارورډ ته وويل: "تروریستان نه شي کولای چې وکيلان او ژورنالستان په وړاندې د ډارن بريدونو له لارې هغوی مغلوب کړي."

د ترهګرۍ د مخنيوي لپاره جدي ګامونو ته اړتیا ده

په کراچۍ کې د سیند د عالي محکمې مدافع وکیلانو ټولنې پخواني منشي ريحان عزیز ملک وويل: "زه په لوړه کچه په کوټه کې د بې ګناه مدافع وکیلانو او نورو اتباعو بيرحمه وژلو غندنه کوم." " وکيلان د ترهګرۍ څخه نه شي ویرول کیدی. موږ به د امنيت لپاره جګړه کوو [او] موږ له سیند څخه دا پیلوو."

هغه وويل، د وکيلانو هدفي وژنه او غير معياري امنيت یوه لویه ستونزه ده. "د دې د مقابلې لپاره په کراچۍ کې د محکمې د ودانۍ او سیند د عالي محکمې د ودانۍ دننه او شاوخوا امنيت زيات کړی شوی دی ... باید دا مخکې زيات شوې وای."

هغه وويل، په ملي کچه امنيتي حالت او په ځانګړې توګه په کراچۍ کې فوري او جدي اقدام ته اړتيا لري.

ملک وويل: "حکومت بايد په بيړنۍ توګه ډېر جدي ګامونه د دې ګواښ د مخنيوي لپاره پورته کړي." "اوس يې صرف د امنیتي پرسونلو شمېره زياته کړی شوې ده."

ملک زياته کړه، " تاسو د سېند د عالي محکمې او د ولسوالۍ د محکمو پر ټولو ننوتلو او وتلو ټکو رينجر ليدلې شۍ."

هغه وويل: "الله دې موږ سره په خپل هېواد کې د سولې بېرته راوستلو کې مرسته وکړي."

په محکمو کې د امنيت زیاتوالی

چارواکي د سیند په ټولو محکمو کې سخت اقدامات پورته کوي. حقوق پوهان، دعوه لرونكي او نور میلمانه باید د داخلیدو مخکی د امنیتي پوستې له لاري لاړ شي.

د کراچۍ خالد خان چې د امنيت فرعي پلټونکی او د هغه بنديانو د امنيت انچارج دی کوم چې له زندان څخه راوړلی کیږي، وويل: "په زرګونه خلک د ښار محکمې ته هره ورځ راځي." "د رينجرو استولو له امله د ښار محکمې پر پنځو ننوتلو او وتلو په لارو کې په بشري ځواکونو کې زياتوالی راغلی دی."

د سیند د عالي محکمې مدافع وکیلانو د حیدر اباد ټولنې یو پلاوی (SCBA) او د ولسوالۍ د مدافع وکیلانو د حیدر اباد ټولنې هم د رينجرو چارواکو سره وکتل او د خپلې ساتنې غوښتنه یې وکړه.

د SCBA ولسمشر آیاز ټونيو پاکستان فارورډ ته وويل، "رينجرو موافقه کړې ده چې د محکمو ساتنه وکړي."